წყალმომხმარებელთა ორგანიზაციების ჩამოყალიბების ხელშეწყობის სამსახურის უფროსი
შპს „საქართველოს მელიორაცია“ აცხადებს ვაკანსიას საერთაშორისო ურთიერთობებისა და დონორ ორგანიზაციებთან თანამშრომლობის დეპარტამენტის
წყალმომხმარებელთა ორგანიზაციების (წმო-ების) ჩამოყალიბების ხელშეწყობის სამსახურის უფროსის თანამდებობაზე
ძირითადი ფუნქცია-მოვალეობები:
· სტრუქტურული ერთეულის საქმიანობის მართვა, საერთაშორისო პროექტის სამოქმედო გეგმის ან სხვა მიმდინარე გეგმების შემუშავებასა და განხორციელებაში მონაწილეობა, სამსახურის თანამშრომლებისთვის ტექნიკურ-ინსტიტუციური მიმართულების კონკრეტული ამოცანების განსაზღვრა და მათი განხორციელების კოორდინაცია;
· წყალმომხმარებელთა ორგანიზაციების (წმო) დაფუძნებისა და განვითარების ღონისძიებების (მათ შორის საერთაშორისო პროექტების ფარგლებში) და გარემოს დაცვისა და სოფლის მეურნეობის სამინისტროს შესაბამისი სტრუქტურული ერთეულების საქმიანობის ხელშეწყობის პროცესის მართვა, როგორც ცენტრალურ, ისე რეგიონალურ დონეზე;
· გარემოს დაცვისა და სოფლის მეურნეობის სამინისტროს შესაბამის სამსახურებთან ერთად, წმო-ების დაფუძნებაზე ორიენტირებული აქტივობების/ღონისძიებების განხორციელება;
· გარემოს დაცვისა და სოფლის მეურნეობის სამინისტროს შესაბამის სამსახურებთან ერთად, ფერმერთა საინიციატივო ჯგუფების სოციალური მობილიზაციის ორგანიზება;
· ფერმერთა საინიციატივო ჯგუფების ინფორმირებისა და ცნობიერების ამაღლების მიზნით, გარემოს დაცვისა და სოფლის მეურნეობის სამინისტროს სამსახურების წარმომადგენლებთან ერთად, საჭირო სემინარებისა და ტრეინინგების ორგანიზებაში ჩართულობა;
· გარემოს დაცვისა და სოფლის მეურნეობის სამინისტროს შესაბამის სამსახურებთან ერთად, საერთაშორისო დონორი ორგანიზაციის წარმომადგენლებთან და საერთაშორისო კონსულტანტებთან მჭიდრო კომუნიკაცია და თანამშრომლობა, წმო-ების დაფუძნებაზე ორიენტირებული პროგრამით განსაზღვრული ხელშემწყობი აქტივობებისა და სამუშაოების განსახორციელებლად;
· კომპანიის შესაბამის სამსახურებთან მჭიდრო კოოპერაცია და საპროექტო ორგანიზაციებთან აქტიური კომუნიკაცია;
· მჭიდრო თანამშრომლობა: გარემოს დაცვისა და სოფლის მეურნეობის სამინისტროს და მის შემადგენლობაში შემავალი სტრუქტურული ერთეულების წარმომადგენლებთან; მსოფლიო ბანკის, ევროპის საინვესტიციო ბანკის, აზიის განვითარების ბანკის, საფრანგეთის განვითარების სააგენტოს და სხვა დონორი ორგანიზაციების კონსულტანტებთან და მათი მისიების წარმომადგენლებთან; მუნიციპალიტეტების, ადგილობრივი თვითმმართველობისა და საკრებულოს წარმომადგენლებთან; საკონსულტაციო, საპროექტო, სამშენებლო და საზედამხედველო კომპანიების წარმომადგენლებთან.
საკვალიფიკაციო მოთხოვნები:
· უმაღლესი განათლება: ინჟინერ-ჰიდროტექნიკოსი, სამოქალაქო ინჟინერი, აგრომელიორატორი, ჰიდრომელიორატორი ან მათთან დაკავშირებულ სფეროში შესაბამისი კვალიფიკაცია; პროექტის მენეჯერი, იურისტი, სოციოლოგი;
· პრაქტიკული სამუშაო გამოცდილება სოფლის თემებთან და სოფლის მეურნეობაში;
· მინიმუმ 3 წლიანი სამუშაო გამოცდილება თემზე დაფუძნებული ადგილობრივი ორგანიზაციების განვითარების, მონაწილეობითი პროცესების, ტრენინგებისა და თემის მობილიზაციის მიმართულებით;
· გამოცდილება სხვადასხვა სპეციალობის მქონე გუნდების მართვის სფეროში;
· წყალმომხარებელ ორგანიზაციებთან მუშაობის გამოცდილება (სასურველია);
· საირიგაციო სისტემის მართვის და თანამედროვე სარწყავი ტექნოლოგიების დანერგვის გამოცდილება (სასურველია);
· ტრეინინგების ჩატარების გამოცდილება (სასურველია);
· კომპიუტერული საოფისე პროგრამების მომხმარებლის დონეზე ცოდნა;
· ინგლისური ენა - თავისუფლად; რუსული ენა - სასაუბრო დონეზე.
სხვა მოთხოვნები:
· კრიტიკული აზროვნების უნარი;
· ინფორმაციის/ მონაცემთა ანალიზის უნარი;
· გამართულად წერის უნარი (მათ შორის ელექტრონული მიმოწერა, ანგარიშების მომზადება);
· ცვლილებების ინიცირების ან/და მართვის უნარი;
· დამოუკიდებლად მუშაობის უნარი.
სამუშაო პირობები:
· სრული განაკვეთი; ორშაბათი-პარასკევი: 09:00-18:00;
· სამუშაო ადგილი: ქ. თბილისი, ვლადიმერ წითლანაძის I, შესახვევი N1;
· ანაზღაურება: 3,624 ლარი (ხელზე).
დაინტერესებულმა პირებმა გთხოვთ, გამოაგზავნოთ რეზიუმე (CV) ქართულ ენაზე ფოტოსურათით (3X4) შემდეგ ელ-ფოსტის მისამართზე: hr@ag.ge არაუგვიანეს 30.06.2023.
წერილის სათაურის ველში გთხოვთ, მიუთითოთ პოზიციის დასახელება - „წმო-სამსახურის უფროსი“.
