სახელმწიფოს გადაწყვეტილებით, ფერმერთა მხარდაჭერის მიზნით, გრძელდება სარწყავი წყლის საფასურის თანადაფინანსების პროგრამა.
სუბსიდია გაუმრიცხველიანებელ მომხმარებელთან:
• გაუმრიცხველიანებელი პროფილური მომხმარებელი პირველი რწყვის ოპერაციისთვის 1 ჰექტარზე, ერთწლიანი კულტურის შემთხვევაში გადაიხდის 116,50 ლარს, ხოლო მრავალწლიანი კულტურის შემთხვევაში 102 ლარს;
• მეორე, მესამე და მეოთხე მორწყვის ოპერაცია სუბსიდირდება სახელმწიფოს მიერ;
• ოთხი მორწყვის ოპერაციის შემდეგ, დამატებითი (მე5 და შემდგომი) მორწყვის მოთხოვნის შემთხვევაში მომსახურების საფასურს გადაიხდის მომხმარებელი მოქმედი საფასურის შესაბამისად;
სუბსიდია გამრიცხველიანებულ მომხმარებლებთან:
• გამრიცხველიანებულ პროფილურ მომხმარებელს თანხა დაერიცხება მოხმარებული წყლის მოცულობის შესაბამისად;
• ერთი მ3 წყლის საცალო მიწოდების საფასური შეადგენს 0,0826 ლარს, ხოლო საბითუმო ფასი წყალმომხმარებელთა ორგანიზაციისთვის 0,0354 ლარს;
• სუბსიდირება ვრცელდება გამრიცხველიანებულ პროფილურ მომხმარებელზე (გარდა წყალმომხმარებელთა ორგანიზაციისა), რომელიც თანხას გადაიხდის მრიცხველის ჩვენების საფუძველზე: ერთწლოვანი კულტურისთვის 116,5 ლარამდე ოდენობით, ხოლო მრავალწლოვანი კულტურისთვის 102 ლარამდე ოდენობით;
• თუ გამრიცხველიანებულ პროფილურ მომხმარებელს ერთწლოვან კულტურაზე მრიცხველის ჩვენების საფუძველზე დაერიცხება 116,5 ლარზე მეტი, აღნიშნული თანხის ზემოთ, სახელმწიფო მომხმარებელს დაუსუბსიდირებს 350 ლარამდე ოდენობის თანხას, ხოლო გამოყოფილი სუბსიდიის თანხის ზედა ზღვარის გადაჭარბების შემთხვევაში, სხვაობას გადაიხდის გამრიცხველიანებული პროფილური მომხმარებელი;
• თუ გამრიცხველიანებულ პროფილურ მომხმარებელს მრავალწლოვან კულტურაზე მრიცხველის ჩვენების საფუძველზე დაერიცხება 102 ლარზე მეტი, აღნიშნული თანხის ზემოთ, სახელმწიფო მომხმარებელს დაუსუბსიდირებს 306 ლარამდე ოდენობის თანხას, ხოლო გამოყოფილი სუბსიდიის თანხის ზედა ზღვარის გადაჭარბების შემთხვევაში, სხვაობას გადაიხდის გამრიცხველიანებული პროფილური მომხმარებელი;
• სატბორე მეურნეობას თანხა დაერიცხება მოხმარებული წყლის შესაბამისად, რომელიც გადაიხდის დარიცხული თანხის 20%-ს, მაგრამ ჰექტარზე არაუმეტეს 300 ლარს წელიწადში;
მნიშვნელოვანი ინფორმაცია კონფლიქტისპირა სოფლებისთვის:
• 2026 წელს, სახელმწიფო სრულად დაასუბსიდირებს (მორწყვის ყველა ოპერაციას დაუფინანსებს) იმ ფერმერებს, რომლებიც რეგისტრირებულნი არიან და საირიგაციო მომსახურებას იღებენ ოკუპირებულ ტერიტორიებთან (გამყოფი ხაზის მიმდებარე სოფლები);
• ფერმერები, რომლებიც რეგისტრირებულნი არიან და საირიგაციო მომსახურებას იღებენ ოკუპირებულ ტერიტორიებთან (გამყოფი ხაზის მიმდებარე სოფლები), 2025 წლის 31 დეკემბრის მდგომარეობით, სრულად ჩამოეწერებათ აღნიშნულ ტერიტორიაზე გაწეული მომსახურების საფასური (ძველი დავალიანება).
დამატებითი ინფორმაციის მისაღებად დაგვიკავშირდით კომპანიის ცხელ ხაზზე 2 00 10 00 ან მიმართეთ რეგიონულ სერვისცენტრებს.
