სახელმწიფოს გადაწყვეტილებით, ფერმერთა მხარდაჭერის მიზნით, გრძელდება   სარწყავი წყლის საფასურის თანადაფინანსების პროგრამა.

პროფილური წყალმომხმარებლებისთვის

პირველი მორწყვის ოპერაციის ღირებულება შეადგენს:

ერთწლოვანი კულტურის შემთხვევაში  116,50 ლარს 1 ჰექტარზე.

მრავალწლოვანი კულტურის შემთხვევაში  102 ლარს 1 ჰექტარზე;

• მეორე, მესამე და მეოთხე მორწყვის ოპერაციის ღირებულება სრულად სუბსიდირდება სახელმწიფოს მიერ;

• ოთხი მორწყვის ოპერაციის შემდგომ, დამატებითი (მე-5 და შემდგომი) მორწყვის მოთხოვნის შემთხვევაში, მომსახურების საფასურს  გადაიხდის მომხმარებლი მოქმედი ტარიფის შესაბამისად.

სატბორე მეურნეობებისთვის

• არაპროფილური წყალმომხმარებელი (სატბორე მეურნეობა) გადაიხდის მოხმარებული წყლის ღირებულების 20%-ს, არაუმეტეს 300 ლარისა წელიწადში. დარჩენილი ნაწილი დაფინანსდება სახელმწიფოს მიერ.

კონფლიქტისპირა სოფლებისთვის განსაკუთრებული პირობები

• 2026 წელს სრულად სუბსიდირდება ყველა მორწყვის ოპერაცია იმ ფერმერებისთვის, რომლებიც რეგისტრირებულნი არიან და საირიგაციო მომსახურებას იღებენ ოკუპირებულ ტერიტორიებთან გამყოფი ხაზის მიმდებარე სოფლებში;

• 2025 წლის 31 დეკემბრის მდგომარეობით აღნიშნულ ტერიტორიებზე გაწეული მომსახურების საფასურის არსებული დავალიანება სრულად ჩამოიწერება.

• პროგრამის მიზანია ფერმერთა ფინანსური ტვირთის შემცირება და სოფლის მეურნეობის მდგრადი განვითარების ხელშეწყობა.

დამატებითი ინფორმაციის მისაღებად დაგვიკავშირდით კომპანიის ცხელ ხაზზე 2 00 10 00 ან მიმართეთ  რეგიონულ სერვისცენტრებს.