რას ნიშნავს წყალსარგებლობის განრიგის შეთანხმება 

• წყალსარგებლობის განრიგის შეთანხმება არის იურიდიული დოკუმენტი, რომელიც საირიგაციო წყლის მიწოდება-მოხმარებას აძლევს კანონიერ სახეს.

• შეთანხმებული განრიგის გარეშე, მიმწოდებელს უფლება არ აქვს წყალი მიაწოდოს მომხმარებელს და თავის მხრივ მომხმარებელი არ არის უფლებამოსილი წყალი აიღოს საირიგაციო სისტემიდან.

• შეთანხმებული წყალსარგებლობის განრიგის გარეშე საირიგაციო სისტემიდან წყლის აღება ითვლება უკანონო მოხმარებად.

რა უფლებები და ვალდებულებები წარმოეშობათ მიმწოდებელს და მომხმარებელს განრიგის ხელმოწერით 

• წყალსარგებლობის განრიგის შეთანხმებით, საქართველოს მელიორაციას უჩნდება ვალდებულება, რომ გაატაროს ყველა ღონისძიება განრიგით გათვალისწინებულ პერიოდში მომხმარებლისათვის წყლის მიწოდების უზრუნველსაყოფად.

• განრიგის შეთანხმებით მომხმარებელი იღებს საირიგაციო წყლით სარგებლობის უფლებას და მას არ უჩნდება არანაირი ვალდებულება, მათ შორის არც თანხის გადახდის ვალდებულება.

• თანხის გადახდის ვალდებულება მომხმარებელს უჩნდება მხოლოდ მას შემდეგ, როდესაც ფაქტიურად განხორციელდება რწყვის ოპერაცია.

შეუძლია თუ არა მომხმარებელს შეთანხმებულ განრიგში მონიშნული რწყვის ოპერაციის გაუქმება ან სხვა პერიოდზე გადატანა 

• მომხმარებელს უფლება აქვს წესების დაცვით გააუქმოს ან სხვა პერიოდზე გადაიტანოს რწყვის ოპერაცია.

• განრიგში განსაზღვრული რწყვის ოპერაციის გაუქმება მომხმარებელს შეუძლია რწყვის ოპერაციის ჩატარების დაწყებამდე 20 დღით ადრე, ხოლო სხვა პერიოდზე გადატანა რწყვის ოპერაციის ჩატარების დაწყებამდე 10 დღით ადრე.

როდის უნდა გადაიხადოს მომხმარებელმა საირიგაციო წყლის მიწოდების მომსახურების საფასური

• წყალსარგებლობის განრიგის შეთანხმება არ ნიშნავს თანხის გადახდის ვალდებულების წარმოშობას.

• მომსახურების საფასურის გადახდის ვალდებულება მომხმარებელს წარმოეშობა მხოლოდ მას შემდეგ, როდესაც ჩატარდება რწყვის ოპერაცია.

• გაწეული მომსახურების საფასური მომხმარებელმა უნდა გადაიხადოს მორწყვის ოპერაციის მომდევნო თვეში, არაუგვიანეს მომდევნო თვის 28 რიცხვისა.

• მაგალითად, განრიგის მიხედვით თუ რწყვის ოპერაცია ჩატარდა 1-15 ივლისის ან 16-31 ივლისის პერიოდში, მომხმარებელმა მომსახურების საფასური უნდა გადაიხადოს არაუგვიანეს 28 აგვისტოს ჩათვლით.