შესყიდვების დეპარტამენტის ელექტრონული შესყიდვების განყოფილებაში მსხვილი შესყიდვების კოორდინატორი
შპს „საქართველოს მელიორაცია“ აცხადებს ვაკანსიას
შესყიდვების დეპარტამენტის ელექტრონული შესყიდვების განყოფილებაში
მსხვილი შესყიდვების კოორდინატორის პოზიციაზე
ძირითადი ფუნქცია-მოვალეობები:
· მაღალი ღირებულების ან შემსყიდველი ორგანიზაციისათვის განსაკუთრებული მნიშვნელობის მქონე ტენდერის ან შესყიდვის ელექტრონული პროცედურის განსახორციელებლად (როგორც სახელმწიფო შესყიდვისას, ასევე, სპეციალური წესით შესყიდვისას), სატენდერო კომისიის გადაწყვეტილებით, შესაბამისი სატენდერო/ელექტრონული პროცედურის დოკუმენტების მომზადება და მათი ატვირთვა სახელმწიფო შესყიდვების ერთიან ელექტრონულ სისტემაში;
· საჭიროების შემთხვევაში, მაღალი ღირებულების ან შემსყიდველი ორგანიზაციისათვის განსაკუთრებული მნიშვნელობის მქონე შესყიდვის ობიექტის სავარაუდო ღირებულების გარკვევა, მიწოდების სავარაუდო ვადების დადგენა და სატენდერო კომისიისათვის განსახილველად წარდგენა;
· მაღალი ღირებულების ან შემსყიდველი ორგანიზაციისათვის განსაკუთრებული მნიშვნელობის მქონე ელექტრონული შესყიდვის ხელშეკრულებისა და მათში ცვლილებების პროექტების მომზადება; გაფორმებული დოკუმენტების სახელმწიფო შესყიდვების ერთიან ელექტრონულ სისტემაში ასახვა;
· საჭიროების შემთხვევაში, უფლებამოსილი სტრუქტურული ერთეულებიდან, შესყიდვის ობიექტის დამატებითი ტექნიკური აღწერილობისა და შესყიდვებთან დაკავშირებული სხვა საკითხების თაობაზე ინფორმაციის/დასკვნების გამოთხოვა;
· კანონმდებლობით განსაზღვრულ შემთხვევებში, განსახორციელებელ შესყიდვებზე ინფორმაციის (საჭიროების შემთხვევაში ხელშეკრულების) წარდგენა სათანადო სახელმწიფო დაწესებულებებში;
· კომპეტენციის ფარგლებში, კომპანიის რესურსების დაგეგმვისა და მართვის ელექტრონულ სისტემაში (ERP) ოპერირება.
საკვალიფიკაციო მოთხოვნები:
· ეკონომიკის, სამართლის ან სხვა ჰუმანიტარულ და ტექნიკურ მეცნიერებათა ბაკალავრი;
· შესყიდვების მიმართულებით მუშაობის არანაკლებ 3 წლიანი სამუშაო გამოცდილება;
· საქმისწარმოების ელექტრონულ სისტემაში მუშაობის გამოცდილება (სასურველია);
· „სახელმწიფო შესყიდვების შესახებ“ საქართველოს კანონი და მის საფუძველზე გამოცემული კანონქვემდებარე ნორმატიული აქტების ცოდნა;
· საქართველოს ზოგადი ადმინისტრაციული კოდექსის და საქართველოს სამოქალაქო კოდექსის ცოდნა;
· შპს „საქართველოს მელიორაციის“ მიერ საქონლისა და მომსახურების შესყიდვების სპეციალური წესის ცოდნა;
· კომპიუტერული საოფისე პროგრამების მომხმარებლის დონეზე ცოდნა (MS Word, MS Excel, MS PowerPoint, Outlook, Internet Explorer);
· ინგლისური და რუსული ენების ცოდნა (სასურველია);
· საწარმოთა რესურსების დაგეგმვისა და მართვის (ERP) ელექტრონულ სისტემაში მუშაობის გამოცდილება (სასურველია 1C).
სამუშაო პირობები:
· სრული განაკვეთი; ორშაბათი-პარასკევი: 09:00სთ-18:00სთ;
· გამოსაცდელი ვადა: 3 თვე;
· ანაზღაურება: 1,800 ლარი (ხელზე).
დაინტერესებულმა პირებმა, გთხოვთ, გამოაგზავნოთ რეზიუმე (CV) ქართულ ენაზე ფოტოსურათით (3X4) შემდეგ ელ-ფოსტის მისამართზე: hr@ag.ge არაუგვიანეს 14.02.2020.
გთხოვთ, წერილის სათაურის ველში მიუთითოთ პოზიციის დასახელება - „მსხვილი შესყიდვების კოორდინატორი“.
