ზედა რუს სარწყავი სისტემის რეაბილიტაციასთან დაკავშირებით გორის მუნიციპალიტეტში სამუშაო შეხვედრა გაიმართა
საქართველოს სოფლის მეურნეობის სამინისტრო და გაერთიანებული სამელიორაციო სისტემების კომპანია შიდა ქართლში, ზედა რუს სარწყავი სისტემის რეაბილიტაციას გეგმავს.
პროექტის განხორციელებასთან დაკავშრებით, გორის მუნიციპალიტეტში სამუშაო შეხვედრა გაიმართა. შეხვედრაზე ისაუბრეს რეგიონში სარწყავ სისტემებზე არსებულ პრობლემებზე, მისი მოგვარების გზებზე. განიხილეს გარემოზე ზემოქმედების მართვის გეგმა. კომპანიის წარმომადგენელმა დამსწრე საზოგადოებას დეტალურად მიაწოდა ინფორმაცია აღნიშნულ პროექტზე, მის მნიშვნელობასა და პროექტის განხორციელებით მიღებულ დადებით შედეგებზე. პროექტის ფარგლებში დაგეგმილია, ქარელის მუნიციპალიტეტში, ზედა რუს სარწყავი სისტემის მაგისტრალური არხის, არაშენდას შტოს, პირველი და სხვა რიგის გამანაწილებელ არხებზე ჰიდროტექნიკური ნაგებობების მოწყობა და რეაბილიტაცია.
შეხვედრას ესწრებოდნენ საქართველოს გაერთიანებული სამელიორაციო სისტემების კომპანიის, ადგილობრივი თვითმმართველობის წარმომადგენლები, ფერმერები და ადგილობრივი მოსახლეობა.
ზედა რუს სარწყავი სისტემის რეაბილიტაცია მსოფლიო ბანკის „ირიგაციის და მიწის ბაზრის განვითარების“ პროექტის ფარგლებში განხორციელდება.
