შიდა ქართლში სატუმბი სადგურების რეაბილიტაცია მიმდინარეობს
კასპის მუნიციპალიტეტში ივნისისათვის დასრულდება საირიგაციო სისტემის სატუმბი სადგურების რეაბილიტაცია და დამატებით 1 300 ჰექტარი მიწის ფართობი იქნება წყალუზრუნველყოფილი. სამუშაოებს, რომელიც 2014 წელს დაიწყო, სოფლის მეურნეობის სამინისტრო და „საქართველოს მელიორაცია“ ახორცილებენ.
რეაბილიტაციის ფარგლებში, აღდგა სადგურების ელექტრომომარაგება, დამონტაჟდა ახალი სატუმბი აგრეგატები და ტუმბოები. 2 000 000 ლარის ღირებულების სარეაბილიტაციო პროექტის შედეგით, კასპის რაიონის 5 სოფლის დაახლოებით 2000 მოსახლე ისარგებლებს.
გარდა ამ პროექტისა, „საქართველოს მელიორაცია“ რაიონის სამელიორაციო სისტემის კიდევ 6 ობიექტზე ახორციელებს სარეაბილიტაციო სამუშაოებს.
