ლეჟბადინის სატუმბი სადგურის რეაბილიტაცია სრულდება
სოფლის მეურნეობის სამინისტრო და „საქართველოს მელიორაცია“ წყალუზრუნველყოფილი ფართობების გაზრდის მიზნით, ქვემო ქართლშის რეგიონში, მარნეულის მუნიციპალიტეტის ტერიტორიაზე ახორციელებს ლეჟბადინის სატუმბი სადგურის რეაბილიტაციას.
პროექტის ფარგლებში, აღდგა მარჯვენა და მარცხენა მაგისტრალური არხები, მოეწყო სატუმბ სადგურამდე მიმყვანი არხი, დაეწყო რკინა-ბეტონის ღარები, ახლით შეიცვალა ძველი ტუმბო აგრეგატები.
ლეჟბადინის სატუმბი სადგურის რეაბილიტაციის შემდეგ, სოფ. მუღალოს, ლეჟბადინის და II ქესალოს 1400 ჰა სასოფლო-სამეურნეო მიწის ფართობი გახდება წყალუზრუნველყოფილი. ამ ფართობით დაახლოებით 1600 მოსახლე ისარგებლებს.
სამუშაოები, რომლის ღირებულებაა 2 070 000 ლარი, 2014 წლის ნოემბერში დაიწყო 2015 წლის მაისში დასრულდება.
შპს „საქართველოს მელიორაცია“ ქვემო ქართლის რეგიონში ლეჟბადინის სატუმბი სადგურის რეაბილიტაციის გარდა, 9 ობიექტზე ატარებს სარეაბილიტაციო ღონისძებებს.
