ჯებირის სატუმბი სადგურის რეაბილიტაცია

შიდა ქართლში, გორის მუნიციპალიტეტში, დამატებით 100 ჰექტარი სასოფლო-სამეურნეო მიწის ფართობი გახდება   წყალუზრუნველყოფილი. აღნიშნული შედეგის მისაღებად, სოფლის მეურნეობის სამინისტრო და შპს „საქართველოს მელიორაცია“ სოფელ ატენში,   ფურნის და ჯებირის სატუმბი სადგურების ტერიტორიაზე,   ახორციელებს  ჯებირის სატუმბი სადგურის აღდგენა-რეაბილიტაციის სამუშაოებს.

  პროექტის ფარგლებში, აშენდება სტაციონალური სატუმბი სადგური,   მოეწყობა ორი სადაწნეო მილსადენი 4 800 მეტრი, მათ შორის ფოლადის და პლასტმასის მილები; მოეწყობა წყალგამშვები ჭები და ჰიდრანტები; დამონტაჟდება 2 ტუმბო აგრეგატი.

მიმდინარე სამუშაოები, რომელიც 2015 წლის მარტში დაიწყო, ივნისში დასრულდება და შედეგად, გორის მუნიციპალიტეტის 3 სოფლის  100 ჰა სასოფლო-სამეურნეო მიწის ფართობი მოირწყვება. ამ ფართობით 3400-მდე მოსახლე ისარგებლებს.

 პროექტის ღირებულებაა 668 888 ლარი

საქართველოს მელიორაცია  რწყვის სეზონის პარალელურად შიდა ქართლში 4 ობიექტზე ახორციელებს სარეაბილიტაციო სამუშაოებს.

ვიდეოს სანახავად გადადით ბმულზე