„საქართველოს მელიორაცია“ უანგარო დონორთა აქციას „გაიღე სისხლი, აჩუქე სიცოცხლე“ შეუერთდა
„საქართველოს მელიორაციაში“ “ჰემატოლოგიისა და ტრანსფუზიოლოგიის ინსტიტუტის“ ლეიკემიით დაავადებული პაცინეტებისთვის უანგარო დონორთა აქცია - „გაიღე სისხლი, აჩუქე სიცოცხლე“ გაიმართა. აქციაში მონაწილეობა კომპანიის ხელმძღვანელ პირებთან ერთად აპარატის თანამშრომლებმა მიიღეს. ჰემატოლოგიისა და ტრანსფუზიოლოგიის ინსტიტუტმა“ აქციაში მონაწილე თითოეულ წევრს გულისხმიერებისათვის მადლობის სიგელები გადასცა.
ჰემატოლოგიისა და ტრანსფუზიოლოგიის ინსტიტუტის სისხლის ბანკიდან, სისხლისა და მისი კომპონენტებით, საქართველოს სხვადასხვა კლინიკა, კერძო პირები და თავად ინსტიტუტის პაციენტები მარაგდებიან. ლეიკემიითა და სხვა დაავადების მქონე ადამიანებისთვის სისხლის ხშირ გადასხმას სასიცოცხლო მნიშვნელობა აქვს.
სისხლის დონაცია უსაფრთხო პროცესია. გარდა რეციპიენტისა, სარგებელს სისხლის დონორიც იღებს, რადგან სისხლის გაცემის პროცესი სისხლში ახალი უჯრედების წარმოქმნას უწყობს ხელს, რის შედეგად სისხლი ახალგაზრდავდება. დონორთა მიერ ჩაბარებულ სისხლს კომპლექსური ანალიზატორების წყალობით, ფართო სპექტრის, მაღალი ხარისხის გამოკვლევები (სისხლის ჯგუფი და რეზუსი, B და C ჰეპატიტი, შიდსი, ათაშანგი, ჰემოგლობინი) უტარდება.
„საქართველოს მელიორაცია“ მიმდინარე წელს, უანგარო დონორთა აქციას მეორედ შეუერთდა.
