ერგნეთის პროექტის პრეზენტაცია
დღეს პროექტის "ერგნეთში (შიდა ქართლი) დაბრუნებული პირების საცხოვრებელი და საარსებო წყაროების აღდგენა" შემაჯამებელი ღონისძიება გაიმართა.
შვეიცარიის განვითარებისა და თანამშრომლობის სააგენტოს ჰუმანიტარული დახმარების პროგრამის ფინანსური მხარდაჭერით ლტოლვილთა დანიის საბჭოს მიერ სოფელ ერგნეთში 2011-2015 წლებში განხორციელებული პროექტის მიზანი კონფლიქტით დაზარალებული ოჯახების საცხოვრებელი და სოციალური-ეკონომიკური მდგომარეობის გაუმჯობესება და ადგილზე რეინტეგრაციის მხარდაჭერა იყო. გარდა საცხოვრებელი სახლების აღდგენისა, პროექტი ითვალისწინებდა საარსებო წყაროდ საჭირო ინფრატსრუქტურის მოწესრიგბას. მოსახლეობის მიერ ასეთად დასახელდა სათემო ინფრასტრუქტურა - სოფლის საირიგაციო სისტემა. აღნიშნული ინფრასტრუქტურის სარეაბილიტაციო სამუშაოები შვეიცარიის განვითარებისა და თანამშრომლობის სააგენტოს და საქართველოს მთავრობის ფინანსური რესურსების ერთობლივი კონსოლიდაციით სოფლის მეურნეობის სამინისტროს შპს “საქართველოს მეიორაციამ” ჩაატარა.
ღონისძიებაში მონაწილეობა მიიღო შერიგებისა და სამოქალაქო თანასწორობის საკითხებში სახელმწიფო მინისტრის პირველმა მოადგილემ ქეთევან ციხელაშვილმა, რომელმაც პროექტის მნიშვნელობაზე ისაუბრა. ,,დღეს არის პროექტის დასკვნითი პრეზენტაცია, რომელიც განახორციელა შვეიცარიის განვითარების ოფისმა და დანიის ლტოლვილთა საბჭომ. ეს პროექტი ხორციელდებოდა სოფელ ერგნეთში და ემსახურებოდა ომის შედეგად დაზარალებული ოჯახების დაბრუნებასა და ადგილზე ინტეგრაციის მხარდაჭერას. სახელმწიფოს პრიორიტეტია მოსახლეობის ადგილზე დამაგრება, მათი საჭიროებების დაკმაყოფილება და შემდგომ უკვე რეგიონის სოციალური და ეკონომიკური განვითარება", - განაცხადა ქეთევან ციხელაშვილმა.
პროექტის დასკვნითი პრეზენტაცია წარადგინა დანიის ლტოლვილთა საბჭოს წარმომადგენელმა გაი ჰუვიმ, რომელმაც მადლობა გადაუხადა შპს „საქართველოს მელიორაციას“ ერგნეთში ჩატარებული სამუშაოებისათვის.
ერგნეთის სარწყავი სისტემის რეაბილიტაციის, შპს „საქართველოს მელიორაციის“ მიმდინარე პროექტების შესახებ ისაუბრა კომპანიის გენერალურმა დირექტორმა ლევან დვალმა: „ერგნეთში განხორციელებული პროექტი ძალიან წარმატებული იყო, ჩვენ ყოველთვის მზად ვართ ვითანამშრომლოთ დონორ ორგანიზაციებთან, რაც მნიშვნელოვანია მსგავსი პროექტების განხორციელებისას მაქსიმალურად ეფექტური შედეგების მისაღებად. საქართველოს მთავრობამ დაახლოებით 200 მილიონი ლარის ინვესტიცია განახორციელა უკანასკნელი 3 წლის განმავლობაში მელიორაციის დარგის რეაბილიტაციის მიზნით. შედეგად წყალუზრუნველყოფილი სასოფლო-სამურნეოს მიწების ფართობი საქართველოში გაორმაგებულია. საირიგაციო სისტემის აღდგენის ყოველი პროექტი ხელს უწყობს მოსახლეობის სოციალურ-ეკონომიკური მდგომარეობის გაუმჯობესებას“ - აღნიშნა ლევან დვალმა.
შვეიცარიის განვითარებისა და თანამშრომლობის სააგენტოს ჰუმანიტარული დახმარების პროგრამის ფინანსური მხარდაჭერით ლტოლვილთა დანიის საბჭოს მიერ სოფელ ერგნეთში 2011-2015 წლებში განხორციელებული პროექტის მიზანი კონფლიქტით დაზარალებული ოჯახების საცხოვრებელი და სოციალური-ეკონომიკური მდგომარეობის გაუმჯობესება და ადგილზე რეინტეგრაციის მხარდაჭერა იყო. გარდა საცხოვრებელი სახლების აღდგენისა, პროექტი ითვალისწინებდა საარსებო წყაროდ საჭირო ინფრატსრუქტურის მოწესრიგბას. მოსახლეობის მიერ ასეთად დასახელდა სათემო ინფრასტრუქტურა - სოფლის საირიგაციო სისტემა. აღნიშნული ინფრასტრუქტურის სარეაბილიტაციო სამუშაოები შვეიცარიის განვითარებისა და თანამშრომლობის სააგენტოს და საქართველოს მთავრობის ფინანსური რესურსების ერთობლივი კონსოლიდაციით სოფლის მეურნეობის სამინისტროს შპს “საქართველოს მეიორაციამ” ჩაატარა.
ღონისძიებაში მონაწილეობა მიიღო შერიგებისა და სამოქალაქო თანასწორობის საკითხებში სახელმწიფო მინისტრის პირველმა მოადგილემ ქეთევან ციხელაშვილმა, რომელმაც პროექტის მნიშვნელობაზე ისაუბრა. ,,დღეს არის პროექტის დასკვნითი პრეზენტაცია, რომელიც განახორციელა შვეიცარიის განვითარების ოფისმა და დანიის ლტოლვილთა საბჭომ. ეს პროექტი ხორციელდებოდა სოფელ ერგნეთში და ემსახურებოდა ომის შედეგად დაზარალებული ოჯახების დაბრუნებასა და ადგილზე ინტეგრაციის მხარდაჭერას. სახელმწიფოს პრიორიტეტია მოსახლეობის ადგილზე დამაგრება, მათი საჭიროებების დაკმაყოფილება და შემდგომ უკვე რეგიონის სოციალური და ეკონომიკური განვითარება", - განაცხადა ქეთევან ციხელაშვილმა.
პროექტის დასკვნითი პრეზენტაცია წარადგინა დანიის ლტოლვილთა საბჭოს წარმომადგენელმა გაი ჰუვიმ, რომელმაც მადლობა გადაუხადა შპს „საქართველოს მელიორაციას“ ერგნეთში ჩატარებული სამუშაოებისათვის.
ერგნეთის სარწყავი სისტემის რეაბილიტაციის, შპს „საქართველოს მელიორაციის“ მიმდინარე პროექტების შესახებ ისაუბრა კომპანიის გენერალურმა დირექტორმა ლევან დვალმა: „ერგნეთში განხორციელებული პროექტი ძალიან წარმატებული იყო, ჩვენ ყოველთვის მზად ვართ ვითანამშრომლოთ დონორ ორგანიზაციებთან, რაც მნიშვნელოვანია მსგავსი პროექტების განხორციელებისას მაქსიმალურად ეფექტური შედეგების მისაღებად. საქართველოს მთავრობამ დაახლოებით 200 მილიონი ლარის ინვესტიცია განახორციელა უკანასკნელი 3 წლის განმავლობაში მელიორაციის დარგის რეაბილიტაციის მიზნით. შედეგად წყალუზრუნველყოფილი სასოფლო-სამურნეოს მიწების ფართობი საქართველოში გაორმაგებულია. საირიგაციო სისტემის აღდგენის ყოველი პროექტი ხელს უწყობს მოსახლეობის სოციალურ-ეკონომიკური მდგომარეობის გაუმჯობესებას“ - აღნიშნა ლევან დვალმა.
