უანგარო დონორთა აქცია - "გაიღე სისხლი, გადაურჩინე სიცოცხლე“
„საქართველოს მელიორაციის“ თანამშრომლებმა ორგანიზაცია “სისხლის გადასხმის საქალაქო სადგურის” საქველმოქმედო აქციაში - „გაიღე სისხლი, გადაურჩინე სიცოცხლე“ მიიღეს მონაწილეობა . “სისხლის გადასხმის საქალაქო სადგური” ერთ-ერთი წამყვანი სისხლის ბანკია საქართველოში, რომელიც დონორული სისხლისგან სისხლის კომპონენტების დამზადებას და თბილისის კლინიკების სისხლით მომარაგებას უზრუნველყოფს. სისხლის დონაცია უსაფრთხო პროცესია. გარდა რეციპიენტისა, სარგებელს სისხლის დონორიც იღებს, რადგან სისხლის გაცემის პროცესი სისხლში ახალი უჯრედების წარმოქმნას უწყობს ხელს, რის შედეგად სისხლი ახალგაზრდავდება. „საქართველოს მელიორაცია“ უანგარო დონორთა აქციას მეხუთედ შეუერთდა. კომპანიის თანამშრომლები მომავალშიც უანგაროდ გაიღებენ სისხლს განსაცდელში ჩავარდნილი ადამიანების სიცოცხლის გადასარჩენად.
