სამუშაო შეხვედრა ქარელის მუნიციპალიტეტში
შპს. „საქართველოს მელიორაციის“ შიდა ქართლისა და სამცხე-ჯავახეთის რეგიონის დირექტორმა, ვახტანგ გარდაფხაძემ, ქარელის მუნიციპალიტეტის გამგებელთან, ზაზა გუნიაშვილთან სამუშაო შეხვედრა გამართა.
მხარებმა შეხვედრაზე იმსჯელეს მუნიციპალიტეტში სარწყავი სისტემების მოწესრიგებასა და დაგეგმილ პროექტებზე, რომელსაც კომპანია ამ მიმართულებით განახორციელებს.
რეგიონის დირექტორმა წარმოადგინა პრეზენტაცია და დეტალურად განიხილა ყველა ის პროექტი, რომლის განხორციელებასაც კომპანია ქარელის მუნიციპალიტეტში უახლოეს პერიოდში გეგმავს. აღნიშნული პროექტების განხორციელებით მოგვარდება და გაუმჯობესდება ერთწლიანი და მრავალწლიანი კულტურების წყალუზრუნველყოფა, შესაბამისად, გაიზრდება საშუალო საჰექტარო მოსავლიანობა.
ვახტანგ გარდაფხაძემ ასევე ისაუბრა სამელიორაციო ინფრასტრუქტურაზე დაგეგმილ საექსპლუატაციო ღონისძებებზეც.
შეხვედრა კითხვა-პასუხის რეჟიმში წარიმართა, რომელსაც ესწრებოდნენ სოფლის მეურნეობის სამინისტროს საკონსულტაციო სამსახურის უფროსი, საქართველოს მელიორაციისა და გამგებლის წარმომადგენლები ტერიტორიულ ორგანოებში.
