კომპანიაში აქცია ,,გაიღე სისხლი - გადაარჩინე სიცოცხლე“ ჩატარდა
სოფლის მეურნეობის სამინისტროს შპს „საქართველოს მელიორაციის“ და სურსათის ეროვნული სააგენტოს თანამშრომლებმა აქციაში ,,გაიღე სისხლი - გადაარჩინე სიცოცხლე“ მიიღეს მონაწილეობა.
სისხლით, რომელიც კომპანიის თანამშრომლებმა გაიღეს „ს.ს. ჰემატოლოგიისა და ტრანსფუზიოლოგიის ინსტიტუტის“ სისხლის ბანკი შეივსება, საიდანაც საქართველოს სხვადასხვა კლინიკა, კერძო პირები და თავად ინსტიტუტის პაციენტები მარაგდებიან.
სისხლის დონაცია უსაფრთხო პროცესია. გარდა რეციპიენტისა, სარგებელს სისხლის დონორიც იღებს, რადგან სისხლის გაცემის პროცესი სისხლში ახალი უჯრედების წარმოქმნას უწყობს ხელს, რის შედეგად სისხლი ახალგაზრდავდება. დონორთა მიერ ჩაბარებულ სისხლს კომპლექსური ანალიზატორების წყალობით, ფართო სპექტრის, მაღალი ხარისხის გამოკვლევები (სისხლის ჯგუფი და რეზუსი, B და C ჰეპატიტი, შიდსი, ათაშანგი, ჰემოგლობინი) უტარდება.
ს.ს. ჰემატოლოგიისა და ტრანსფუზიოლოგიის ს/კ ინსტიტუტმა“ მონაწილეებს მადლობის სიგელები გადასცა.
კომპანიის თანამშრომლები მომავალშიც გააგრძელებენ აღნიშნულ აქციაში მონაწილეობას და უანგაროდ გაიღებენ სისხლს განსაცდელში ჩავარდნილი ადამიანების სიცოცხლის გადასარჩენად.
