საქართველოს მელიორაციის თანამშრომლებმა პერსონალურ მონაცემთა დაცვის საკითხებზე ტრენინგი გაიარეს
საქართველოს გარემოს დაცვისა და სოფლის მეურნეობის სამინისტროს შპს „საქართველოს მელიორაციაში“ პერსონალურ მონაცემთა დაცვის თემაზე საინფორმაციო ტრენინგი ჩატარდა, რომელსაც რეგიონული სამსახურებისა და სერვისცენტრის თანამშრომლები ესწრებოდნენ.
საქართველოს მელიორაციის პერსონალური მონაცემთა დაცვის ოფიცერმა, ნია სოხაძემ თანამშრომლებს პერსონალური მონაცემების დაცვის კანონმდებლობის, ეთიკური სტანდარტებისა და პრაქტიკული მიდგომების საკითხები გააცნო; მიაწოდა ინფორმაცია მონაცემთა უსაფრთხო დამუშავებისა და მათი მიზნობრივი გამოყენების შესახებ.
ტრენინგი მოიცავდა შემდეგ თემებს:
პერსონალური მონაცემების ცნება და კატეგორიები;
მონაცემთა დამუშავების სამართლებრივი საფუძვლები;
მონაცემთა სუბიექტის უფლებები;
ინფორმაციის კონფიდენციალურობის დაცვა;
ტრენინგის მონაწილეებმა მიიღეს რეკომენდაციები ყოველდღიური საქმიანობისას მონაცემების სწორად გამოყენების შესახებ.
