გიგლა თამაზაშვილმა დასავლეთის რეგიონული სამსახურის უფროსი წარადგინა
შპს „საქართველოს მელიორაციის“ გენერალურმა დირექტორმა გიგლა თამაზაშვილმა კომპანიის დასავლეთის რეგიონული სამსახურისა და სერვისცენტრების თანამშრომლებს სამსახურის ახალი უფროსი, მამუკა ლოსაბერიძე წარუდგინა.
პროფესიით იურისტი მამუკა ლოსაბერიძე გაზის ტრანსპორტირების კომპანიის დასავლეთის რეგიონის ფილიალს ხელმძღვანელობდა; აქვს სახელმწიფო და კერძო სექტორში მუშაობის მრავალწლიანი გამოცდილება.
დასავლეთის რეგიონული სამსახურისა და სერვისცენტრების თანამშრომლებთან გამართულ შეხვედრაზე გიგლა თამაზაშვილმა საქართველოს მელიორაციაში მიმდინარე სტრუქტურულ რეფორმებზე და სამოქმედო გეგმაზე ისაუბრა.
