გიგლა თამაზაშვილმა რეგიონული სამსახურების ხელმძღვანელებთან სამუშაო შეხვედრა გამართა
შპს „საქართველოს მელიორაციის“ გენერალურმა დირექტორმა გიგლა თამაზაშვილმა რეგიონული სამსახურებისა და სერვისცენტრების ხელმძღვანელებთან სამუშაო შეხვედრა გამართა.
შეხვედრაზე კომპანიის ახალმა გენერალურმა დირექტორმა დეტალური ინფორმაცია მიიღო რეგიონული სამსახურების საჭიროებების შესახებ. განსაკუთრებული ყურადღება მიმდინარე სამელიორაციო ინფრასტრუქტურული პროექტების მასშტაბებსა და მნიშვნელობაზე გამახვილდა.
„დეტალური ინფორმაცია ადგილებზე არსებული ვითარების, მიმდინარე საქმიანობის და გამოწვევების შესახებ სწორედ რეგიონული სამსახურების წარმომადგენლებისგან უნდა მოვისმინოთ. ასევე მნიშვნელოვანია, მოვახდინოთ ოპერატიული და ეფექტიანი რეაგირება“, - განაცხადა გიგლა თამაზაშვილმა.
როგორც გიგლა თამაზაშვილმა შეხვედრაზე აღნიშნა, რეგიონული სამსახურების მიერ ფერმერთა საჭიროებების დროული იდენტიფიკაცია და მათზე რეაგირება პრიორიტეტია.
