სოფელ ოჟიოში სარწყავი ქსელი წესრიგდება
შპს „საქართველოს მელიორაცია“ ახმეტის მუნიციპალიტეტში, ზემო ალაზნის სარწყავი სისტემის მეორე რიგის გამანაწილებელი არხის სარემონტო სამუშაოებს ახორციელებს.
სოფელ ოჟიოს ტერიტორიაზე, არხის 500 მეტრი სიგრძის მონაკვეთზე ლითონის მილები მონტაჟდება.
სამუშაოები, რომელიც აგვისტოს ბოლოს დასრულდება, სოფელ კოღოთოს 60 ჰექტარ სასოფლო-სამეურნეო მიწის ფართობზე სარწყავი წყლის მიწოდებას გააუმჯობესებს და მოსავლიანობის გაზრდას შეუწყობს ხელს.
