დეხვა-ბობოყვათის მასივის მოწესრიგების სამუშაოები მიმდინარეობს
შპს „საქართველოს მელიორაცია“ ქობულეთის მუნიციპალიტეტში, დეხვა-ბობოყვათის მასივის მოწესრიგების სამუშაოებს ატარებს.
ბუჩქნარისა და ნატანი მასისგან კოლექტორული და შემკრები არხების 3 კილომეტრიან მონაკვეთზე გაწმენდითი ღონისძიებები ხორციელდება.
ჩატარებული სამუშაოები არხის გამტარუნარიანობას გაზრდის, რაც 15 ჰექტარ სასოფლო-სამეურნეო დანიშნულების მიწის ფართობზე სადრენაჟე მომსახურებას აღადგენს და აგროწარმოების შესაძლებლობას გაზრდის.
დამშრობ სისტემაზე მიმდინარე სამუშაოები აგვისტოს ბოლოს დასრულდება.
