სოფელ ვეჯინში სარწყავი ქსელი წესრიგდება
შპს „საქართველოს მელიორაცია“ რწყვის სეზონის პარალელურად სამელიორაციო ინფრასტრუქტურის მოწესრიგების ღონისძიებებს განაგრძობს.
გურჯაანის მუნიციპალიტეტში, ქვემო ალაზნის სარწყავი სისტემის პირველი რიგის გამანაწილებელი არხის რეაბილიტაცია მიმდინარეობს. 1700 მეტრი სიგრძის მონაკვეთზე ლითონის მილით დახურული ქსელი ეწყობა.
სამუშაოები, რომელიც ივნისის ბოლოს დასრულდება სოფელ ვეჯინში 240 ჰექტარ სასოფლო-სამეურნეო მიწის ფართობზე სარწყავი წყლის მიწოდებას გააუმჯობესებს და მოსავლიანობის გაზრდას შეუწყობს ხელს.
