სოფელ იყალთოში ზემო ალაზნის სარწყავი სისტემის მაგისტრალურ არხზე აღდგენითი სამუშაოები მიმდინარეობს
საქართველოს მელიორაცია კახეთში, თელავის მუნიციპალიტეტის სოფელ იყალთოში, ზემო ალაზნის სარწყავი სისტემის მაგისტრალურ არხზე აღდგენით სამუშაოებს ატარებს.
კახეთში მაისის ბოლოს მოსულმა უხვმა ნალექმა დიუკერის მარცხენა ძაფის ბეტონის საფარი დააზიანა.
ამჟამად მიმდინარეობს მდინარე ალაზნის კალაპოტში წყლის დინების მიმართულების შესაცვლელად გრუნტის დამუშავების და დაზიანებული მონაკვეთის გრუნტისგან გათავისუფლების სამუშაოები.
ინტენსიურ რეჟიმში ხორციელდება დიუკერიდან წყლის ამოტუმბვის სამუშაოები და დაზიანებული ბეტონის საფარის დემონტაჟი.
დაგეგმილია დიუკერის მარცხენა ძაფის დანალექი გრუნტისა და სხვადასხვა სახის ნარჩენებისგან გაწმენდა და დაზიანებული ბეტონის საფარის ორმაგი არმირებით აღდგენა.
სამუშაოები ივნისის მეორე ნახევარში დასრულდება.
