შპს „საქართველოს მელიორაციის“ გენერალური დირექტორი თამაზ მღებრიშვილი მსოფლიო ბანკის წარმომადგენლებს შეხვდა
საქართველოს მელიორაციის გენერალური დირექტორი თამაზ მღებრიშვილი მსოფლიო ბანკის საქართველოს მდგრადი სოფლის მეურნეობის, ირიგაციის და მიწის პროექტის (GRAIL) ხელმძღვანელს, რანუ სინჰას შეხვდა.
თამაზ მღებრიშვილმა შეხვედრაზე მსოფლიო ბანკთან მრავალწლიანი წარმატებული თანამშრომლობის მნიშვნელობაზე ისაუბრა და რანუ სინჰას მადლობა გადაუხადა მხარდაჭერისთვის.
მხარეებმა საქართველოს მდგრადი სოფლის მეურნეობის, ირიგაციის და მიწის პროექტის (GRAIL) დეტალები განიხილეს.
აღნიშნული პროექტი სახელმწიფოსა და მსოფლიო ბანკის თანამონაწილეობით განხორციელდება და მისი ღირებულება 150 მლნ დოლარია.
პროექტის (GRAIL) ფარგლებში, რამდენიმე სარწყავი და სადრენაჟე სისტემის რეაბილიტაცია-მოდერნიზაცია განხორციელდება;
შედეგად, საპროექტო ტერიტორიებზე გაუმჯობესდება სამელიორაციო მომსახურება და სასოფლო-სამეურნეო პროდუქციის წარმოება.
შეხვედრას მსოფლიო ბანკის ირიგაციისა და მიწის ბაზრის განვითარების პროექტის მენეჯერი ლალი დურმიშიძე და საქართველოს მელიორაციის ხელმძღვანელი პირები ესწრებოდნენ.
