შპს „საქართველოს მელიორაციას“ თამაზ მღებრიშვილი უხელმძღვანელებს
ახალი გენერალური დირექტორი უწყების თანამშრომლებს გარემოს დაცვისა და სოფლის მეურნეობის მინისტრმა, ოთარ შამუგიამ წარუდგინა.
მღებრიშვილმა ამ პოსტზე თენგიზ ნასარიძე შეცვალა, რომელმაც გარემოს დაცვისა და სოფლის მეურნეობის მინისტრის მოადგილის თანამდებობა დაიკავა.
თამაზ მღებრიშვილი საქართველოს მელიორაციის გენერალურ დირექტორად დანიშვნამდე სურსათის ეროვნულ სააგენტოს თბილისის საქალაქო სამსახურს ხელმძღვანელობდა.
აქვს საჯარო სამსახურში მუშაობის მრავალწლიანი გამოცდილება.
თამაზ მღებრიშვილი პროფესიით იურისტია.
