22 მარტი წყლის რესურსების დაცვის საერთაშორისო დღეა
წყლის რესურსების დაცვის საერთაშორისო დღის აღნიშვნის ფარგლებში, შპს „საქართველოს მელიორაციის“ ქვემო ქართლის რეგიონალური სამსახურის წარმომადგენლები და დაბა სიონის საჯარო სკოლის მოსწავლეები სიონის წყალსაცავზე იმყოფებოდნენ.
აღნიშნული წყალსაცავი ზემო და ქვემო სამგორის სარწყავი სისტემების წყალმომარაგებას უზრუნველყოფს.
რეგიონალური სამსახურის წარმომადგენლებმა მოსწავლეებს წყალსაცავზე არსებული ჰიდროტექნიკური ნაგებობა დაათვალიერებინეს, გააცნეს წყალსაცავის ისტორია და მუშაობის სპეციფიკა.
სკოლის მოსწავლეებმა ინფორმაცია მიიღეს თანამედროვე მორწყვის მეთოდებზე, რაც წყლის რესურსის რაციონალურ ხარჯვას უწყობს ხელს და განსაკუთრებით მნიშვნელოვანია წყლის რესურსის დასაცავად.
