სამელიორაციო სისტემების სარეაბილიტაციო პროექტების პრეზენტაცია
შპს. „საქართველოს მელიორაციის“ შიდა ქართლისა და სამცხე-ჯავახეთის რეგიონის დირექტორი, ვახტანგ გარდაფხაძე გორის მუნიციპალიტეტის გამგებელს, დავით ონიაშვილს და გამგებლის წარმომადგენლებს შეხვდა.
შეხვედრაზე იმსჯელეს მუნიციპალიტეტში სარწყავი სისტემების მოწესრიგებასა და დაგეგმილ პროექტებზე.
რეგიონის დირექტორმა ადგილობრივი ხელისუფლების წარმომადგენლებს მიაწოდა ინფორმაცია მუნიციპალიტეტში სამელიორაციო ინფრასტრუქტურაზე დაგეგმილი სარეაბილიტაციო პროექტებისა და საექსპლუატაციო ღონისძიებების შესახებ, რომელსაც „საქართველოს მელიორაცია“ უახლოეს პერიოდში განახორციელებს.
სამუშაო შეხვედრა კითხვა-პასუხის რეჟიმში მიმდინარეობდა. მუნიციპალიტეტის წარმომადგენლებმა ყველა კითხვაზე მიიღეს ამომწურავი პასუხი. მათ შესაძლებლობა ჰქონდათ პროექტებთან დაკავშირებით თავიანთი მოსაზრებები გამოეთქვათ.
ანალოგიური შეხვედრები უკვე ჩატარდა, ქარელის, კასპის, მცხეთის მუნიციპალიტეტებში.
