კახეთში სამელიორაციო პროექტები განიხილეს
კახეთის სამხარეო ადმინისტრაციაში, საქართველოს მელიორაციის გენერალურმა დირექტორმა, დავით წითლიძემ და კახეთის მხარეში სახელმწიფო რწმუნებულმა, ირაკლი ქადაგიშვილმა, მუნიციპალიტეტების მერებთან ერთად, მიმდინარე და დაგეგმილი სამელიორაციო ინფრასტრუქტურული სარეაბილიტაციო პროექტები და საექსპლუატაციო ღონისძიებები განიხილეს.
შეხვედრის ფარგლებში, დავით წითლიძემ მუნიციპალიტეტების მიხედვით, ვრცლად ისაუბრა იმ პროექტებზე, რომელსაც რეგიონის მასშტაბით საქართველოს მელიორაცია ახორციელებს.
ადგილობრივი ხელისუფლების წარმომადგენლებმა სამელიორაციო პროექტებთან დაკავშირებით თავიანთი მოსაზრებები გამოთქვეს, რაზეც კომპანიის წარმომადგენლებისგან რეგიონის მასშტაბით, არსებული წყალსაცავების, მაგისტრალური არხებისა და შიდა ქსელების მოწესრიგებისთვის დაგეგმილი სარეაბილიტაციო სამუშაოების შესახებ მოისმინეს ინფორმაცია.
