გარემოს დაცვისა და სოფლის მეურნეობის სამინისტროს ტურნირის გამარჯვებული მინი-ფეხბურთში შპს „საქართველოს მელიორაციის“ გუნდი გახდა
გარემოს დაცვისა და სოფლის მეურნეობის სამინისტროს ტურნირის გამარჯვებული მინი-ფეხბურთში შპს „საქართველოს მელიორაციის“ გუნდი გახდა.
ტურნირის ფინალში ერთმანეთს შპს „საქართველოს მელიორაციის“ და ეროვნული სატყეო სააგენტოს გუნდები შეხვდნენ. შეხვედრის ძირითადი დრო გუნდებმა ფრედ 1:1 დაასრულეს, ხოლო დამატებითი ტაიმების დროს საქართველოს მელიორაციის გუნდმა გამარჯვების მოპოვება შეძლო და შეხვედრაც ანგარიშით 2:1 დასრულდა.
ტურნირის მეორე ადგილზე ეროვნული სატყეო სააგენტოს გუნდი, ხოლო მესამე ადგილზე გარემოსდაცვითი ზედამხედველობის დეპარტამენტის გუნდი გავიდა.
გამარჯვებულ გუნდებს გარემოს დაცვისა და სოფლის მეურნეობის სამინისტროს თასი და მედლები გადაეცათ.
მატჩს გარემოს დაცვისა და სოფლის მეურნეობის მინისტრის მოადგილე იური ნოზაძე, შპს „საქართველოს მელიორაციის“ გენერალური დირექტორი დავით წითლიძე, სატყეო სააგენტოს უფროსი არჩილ ნიკოლეიშვილი, სხვადასხვა სამსახურების ხელმძღვანელი პირები და თანამშრომლები ესწრებოდნენ.
ტურნირი გარემოს დაცვისა და სოფლის მეურნეობის სამინისტროს ინიციატივით, სამინისტროს დაქვემდებარებული უწყებების გუნდებს შორის 2019 წლის 2 დეკემბრიდან მიმდინარეობდა.
