ქობულეთში დამშრობი სისტემის რეაბილიტაცია მიმდინარეობს
შპს „საქართველოს მელიორაცია“ სარწყავი და სადრენაჟე სისტემების აღდგენით სამუშაოებს აქტიურად ატარებს.
ქობულეთის მუნიციპალიტეტში დამშრობი სისტემის რეაბილიტაცია მიმდინარეობს. ხე-ბუჩქნარისა და ნატანი მასისგან 7 კილომეტრი სიგრძის მაგისტრალური არხი იწმინდება.
სამუშაოების შედეგად არხის გამტარუნარიანობა გაუმჯობესდება, რაც 280 ჰექტარი სასოფლო-სამეურნეო მიწების დაშრობას, უხვი ნალექის დროს ქობულეთის ეროვნული პარკისა და ქობულეთის ნაწილის დატბორვისგან დაცვას უზრუნველყოფს.
პროექტი, რომლის ღირებულებაც 342 000 ლარია მიმდინარე წლის ივლისში დაიწყო და დასრულების ეტაპზეა.
სამელიორაციო ობიექტზე მიმდინარე სამუშაოებს შპს „საქართველოს მელიორაციის“ გენერალური დირექტორი დავით წითლიძე, ქობულეთის მერის პირველი მოადგილე ლევან ზოიძე, ინფრასტრუქტურის სამსახურის უფროსი ზაზა კაიკაციშვილი და ფრაქცია ქართული ოცნების თავჯდომარე გიორგი გოგიტიძე ადგილზე გაეცნენ და ადგილობრივ მოსახლეობას შეხვდნენ.
