შეხვედრა საპროექტო კომპანიებთან
შპს „საქართველოს მელიორაციის“ ხელმძღვანელობამ საპროექტო კომპანიების წარმომადგენლებთან სამუშაო შეხვედრა გამართა. შეხვედრას ესწრებოდნენ ჰიდროენერგეტიკისა და წყალმომარაგების სფეროში მომუშავე კონტრაქტორი და არაკონტრაქტორი კომპანიები. შპს „საქართველოს მელიორაციისთვის“ პრიორიტეტულია ახალი საპროექტო ორგანიზაციების ჩართულობა და სამელიორაციო ინფრასტრუქტურულ პროექტებში მათი მონაწილეობა. შეხვედრაზე მხარეებმა სამელიორაციო პროექტების ეფექტურ შესრულებაზე გაამახვილეს ყურადღება; საპროექტო დოკუმენტაციის ხარისხის გაუმჯობესება, პროექტებში თანამედროვე ტექნოლოგიების მაქსიმალური გამოყენება, დოკუმენტაციის ვადების შემცირება - ის ძირითადი საკითხებია, რომლებიც შეხვედრის მონაწილეებმა განიხილეს.
