შეხვედრა მცხეთა-მთიანეთის მუნიციპალიტეტში
საქართველოს გაერთიანებული სამელიორაციო სისტემების კომპანიის დირექტორი ლევან დვალი და კომპანიის წარმომადგენლები, მცხეთა-მთიანეთის გუბერნატორს, ნუგზარ ყიფიანს და ადგილობრივი თვითმმართველობის ხელმძღვანელ პირებს შეხვდნენ.
შეხვედრა მცხეთა-მთიანეთის სამხარეო ადმინისტრაციაში გაიმართა, სადაც რწყვის სეზონის განმავლობაში წარმოქმნილი პრობლემები განიხილეს და დაგეგმილი პროექტების შესახებ იმსჯელეს.
მხარეებმა მიიღეს გადაწყვეტილება მჭიდრო ურთიერთთანამშრომლობასა და ამ პროცესში მოსახლეობის ჩართულობაზე.
გასულ წელს რეაბილიტაცია ჩაუტარდა ლამი-მისაქციელის სარწყავი სისტემის ზონაში, წილკანის ტერიტორიაზე არსებულ წყალშემკრებ კოლექტორებს და მასზე არსებულ ჰიდროტექნიკურ ნაგებობებს, მოეწყო მილხიდები, შედეგად დამშრალი ფართობის რაოდენობაა 2900 ჰა.
ასევე, რეაბილიტირებულია წეროვანის თვითდინებითი შტოს მარჯვენა და მარცხენა არხები, საგურამოს სარწყავი სისტემის მაგისტრალური არხის I და სხვა რიგის გამანაწილებლები და შიდა სამეურნეო ქსელი, შედეგად ჯამში 2076 ჰა სასოფლო-სამეურნეო მიწის ფართობი იქნა წყალუზრუნველყოფილი.
