საინფორმაციო კამპანია- ირიგაციის თანამედროვე მეთოდები წყალტუბო
სოფლის მეურნეობის სამინისტროს შპს „საქართველოს მელიორაცია“ ახორციელებს პროექტს ირიგაციის თანამედროვე მეთოდების გავრცელების ხელშეწყობის მიზნით. პროექტის ფარგლებში მიმდინარეობს საინფორმაციო კამპანია მთელი ქვეყნის მასშტაბით.
საინფორმაციო კამპანიის მორიგი შეხვედრა წყალტუბოს მუნიციპალიტეტში გაიმართა. შპს „საქართველოს მელიორაციის“ წარმომადგენლებმა წყალმომხმარებლებს წვეთური და დაწვიმებითი ირიგაციის მეთოდების შესახებ პრეზენტაცია წარუდგინეს, მიაწოდეს ინფორმაცია სისტემების გამართვის და ირიგაციის აღნიშნული მეთოდების უპირატესობების შესახებ.
ირიგაციის წვეთური და დაწვიმებითი მეთოდი მორწყვის ტრადიციულ, მოღვარვით მორწყვის წესზე ბევრად მომგებიანია, ვინაიდან ელექტროენერგიის, წყლის და სასუქის ორჯერ ნაკლებ რესურსს საჭიროებს და მნიშვნელოვნად ზრდის მოსავლიანობას.
შეხვედრა, რომელსაც შპს „საქართველოს მელიორაციის“ დასავლეთის რეგიონის დირექტორი ზურაბ კუჭავა ესწრებოდა, კითხვა-პასუხის რეჟიმში წარიმართა.
ირიგაციის თანამედროვე მეთოდების გავრცელების ხელშეწყობის საინფორმაციო კამპანიის ფარგლებში შეხვედრები წყალმომხმარებლებთან მთელი ქვეყნის მასშტაბით ტარდება.
