ვარციხისა და ტობანიერის სარწყავი სისტემების რეაბილიტაცია
სოფლის მეურნეობის სამინისტროს შპს „საქართველოს მელიორაცია“ იმერეთში ვარციხისა და ტობანიერის სარწყავი სისტემების სარეაბილიტაციო პროექტს ახორციელებს. მიმდინარეობს მაგისტრალური არხების, I რიგის გამანაწილებლების, დამშრობი ღია სადრენაჟო-საკოლექტორო ქსელის და მათზე არსებული ჰიდროტექნიკური ნაგებობების რეაბილიტაციის სამუშაოები. პროექტის ფარგლებში რეაბილიტაცია ჩაუტარდება ვარციხისა და ტობანიერის მაგისტრალურ არხებს საერთო სიგრძით 15 კმ. მოეწყობა სხვადასხვა სახის ტიპიური წყალგამშვები ნაგებობები, მილხიდები, დახურული ფოლადის და რკ/ბეტონის მილსადენები. აღდგება საკოლექტორო არხი სიგრძით 6,5კმ, ტობანიერის არსებული მიწის არხი ნაწილობრივ მოპირკეთება მონოლითური ბეტონით. განხორციელებული ღონისძიებების შედეგად, 5 სოფლის (როკითი, დიდველა, ვარციხე, წითელხევისა და როხის) 820 ჰექტარი სასოფლო-სამეურნეო მიწის ფართობი გახდება სარწყავი წყლით უნველყოფილი. მიმდინარე სამუშაოები "საქართველოს მელიორაციის" გენერალურმა დირექტორმა, არჩილ ბუკიამ ადგილობრივი ხელისუფლების წარმომადგენლებთან ერთად დაათვალიერა. პროექტი, რომლის ღირებულებაც 2,196,280 ლარს შეადგენს 2018 წლის გაზაფხულზე დასრულდება. 2012 წლიდან იმერეთის რეგიონში განხორციელდა სამელიორაციო სისტემების 17 სარეაბილიტაციო პროექტი. შედეგად წყალუზრუნველყოფილი სასოფლო-სამეურნეო მიწის ფართობი 13 765 ჰექტრამდე, ხოლო დრენირებული მიწის ფართობი 4 450 ჰექტრამდეა გზარდილი.
ვიდეოს სანახავად გადადით ბმულზე
ვიდეოს სანახავად გადადით ბმულზე
