ხაშმის სარწყავი სისტემის რეაბილიტაცია მიმდინარეობს
საგარეჯოს მუნიციპალიტეტის სოფელი ხაშმის სარწყავი სისტემის გაწმენდითი სამუშაოები აპრილის შუა რიცხვებში დაიწყო. სამუშაოების დასრულების შემდეგ, 300 ჰექტარი სასოფლო-სამეურნეო მიწის ფართობი გახდება წყალუზრუნველყოფილი. სოფელი ხაშმის წყალუზრუნველყოფა განსაკუთრებით მნიშვნელოვანია, რადგან აქ უნიკალური ჯიშის ყურძენი - ხაშმის საფერავი მოდის. სამუშაოები მიმდინარე წლის მაისის შუა რიცხებში დასრულდება.
მიმდინარე სამუშაოები სოფლის მეურნეობის მინისტრის მოადგილემ, დავით გალეგაშვილმა და შპს „საქართველოს მელიორაციის“ გენერალურმა დირექტორმა, ლევან დვალმა დაათვალიერეს.
2012 წლიდან კახეთის რეგიონში წყალუზრუნველყოფილი მიწის ფართობი 6000 ჰექტრიდან 14 000 ჰექტრამდეა გაზრდილი.
