შეხვედრა იმერეთში
საქართველოს გაერთიანებული სამელიორაციო სისტემების კომპანიის დირექტორი ლევან დვალი იმერეთის გუბერნატორს, ზაზა მეფარიშვილს შეხვდა.
შეხვედრაზე რეგიონში მელიორაციის საკითხებსა და მუნიციპალიტეტების მიხედვით ამ კუთხით მიმდინარე პროექტებზე იმსჯელეს. კომპანიის დირექტორმა გამგებლებისგან მათ რაიონებში არსებულ პრობლემებზე მიიღო ინფორმაცია.
როგორც შეხვედრაზე კომპანიის დირექტორმა, ლევან დვალმა აღნიშნა, დღეისათვის იმერეთში აჯამეთის, ხოდაბუნის, მაშველის სარწყავი სისტემების რეაბილიტაცია მიმდინარეობს. სამუშაოები ხორცილდება ვანისა და ხონის მუნიციპალიტეტებშიც, რეაბილიტაცია უტარდება ციხე-სულორის დამშრობ სისტემას, ხონი-სამტრედიის და ვანის სარწყავი სისტემების სათავე ნაგებობებს.
შეხვედრა იმერეთის სამხარეო ადმინისტრაციაში გაიმართა და სამელიორაციო სისტემების კომპანიის წარმომადგენლები, საკრებულოს თავმჯდომარეები და გამგებლები ესწრებოდნენ.
