სამუშაო შეხვედრა ქვემო ქართლში
საქართველოს გაერთიანებული სამელიორაციო სისტემების კომპანიის დირექტორი ლევან დვალი ქვემო ქართლის გუბერნატორის მოვალეობის შემსრულებელს, რამინ ისმაილოვს შეხვდა.
შეხვედრაზე რეგიონში მელიორაციის საკითხებსა და მუნიციპალიტეტების მიხედვით ამ კუთხით მიმდინარე პროექტებზე იმსჯელეს. კომპანიის დირექტორმა გამგებლებისგან მათ რაიონებში არსებულ პრობლემებზე მიიღო ინფორმაცია.
როგორც კომპანიის დირექტორმა, ლევან დვალმა აღნიშნა, ქვემო ქართლის სასოფლო-სამეურნეო მიწის ფართობების წყალუზრუნველსაყოფად მასშტაბური სამუშაოები მიმდინარეობს. რეაბილიტაცია უტარდება აღმაშენებლის, კაზრეთის, იმირასანის, დმანისი-განთიადის, ახალი სადახლოს სარწყავ სისტემებს, ზემო სამგორის სარწყავი სისტემის პალდოს სარეგულაციო სათავე ნაგებობას. ასევე, სამუშაოები სრულდება ზემო სამგორის (სათავე ნაგებობა თბილისის წყალსაცავზე, ქვემო მაგისტრალური არხის და II რიგის გამანაწილებლებზე , მთის არხსა და ზემო სამგორის სარწყავი სისტემის ქვემო მაგისტრალური არხის კოშკურა წყალაღების ნაგებობაზე.
შეხვედრა ქვემო ქართლის სამხარეო ადმინისტრაციაში გაიმართა და სამელიორაციო სისტემების კომპანიის წარმომადგენლები, საკრებულოს თავმჯდომარეები და გამგებლები ესწრებოდნენ.
