ირიგაციის თანამედროვე მეთოდები გორის წყალმომხმარებლებს გააცნეს
ირიგაციის თანამედროვე მეთოდების გავრცელების ხელშეწყობის მიზნით, შპს. „საქართველოს მელიორაციის“ წარმომადგენლებმა საინფორმაციო კამპანიის ფარგლებში, ამჯერად შეხვედრა გორში გამართეს. დღევანდელ შეხვედრაზე წყალმომხმარებლებს წვეთური და დაწვიმებითი ირიგაციის მეთოდების შესახებ კომპანიის წარმომადგენლებმა პრეზენტაცია წარუდგინეს და მის უპირატესობაზე მიაწოდეს ინფორმაცია . ირიგაციის ეს მეთოდი მორწყვის ტრადიციულ, მიგდებით მორწყვის წესზე ბევრად მომგებიანია, ვინაიდან ელექტროენერგიის, წყლის და სასუქის ორჯერ ნაკლებ რესურსს საჭიროებს და მნიშვნელოვნად ზრდის მოსავლიანობას.
შეხვედრას ესწრებოდნენ შპს „საქართველოს მელიორაციის“ შიდა ქართლისა და სამცხე-ჯავახეთის რეგიონის დირექტორი, სოფლის მეურნეობის სამინისტროს საინფორმაციო-საკონსულტაციო სამსახურის და ადმინისტრაციულ ერთეულებში მუნიციპალიტეტის გამგებლის წარმომადგენლები.
მსგავსი შეხვედრები უკვე ჩატარდა ბაკურციხეში, კაკაბეთსა და გარდაბანში და მთელი ქვეყნის მასშტაბით იგეგიმება.
