ლევან დვალი შიდა ქართლის გუბერნატორს შეხვდა
შეხვედრაზე იმსჯელეს მხარეში მიმდინარე პროექტებზე, რომელსაც კომპანია ახორციელებს. მხარეებმა ისაუბრეს ტირიფონის სარწყავი სისტემის რეაბილიტაციასა და ნადარბაზევის ტბის მეშვეობით სასოფლო-სამეურნეო მიწის ფართობების გასარწყავებაზე.
საქართველოს გაერთიანებული სამელიორაციო სისტემების კომპანია, სამელიორაციო სისტემებზე არსებული პრობლემების მოსაგვარებლად, შიდა ქართლში მასშტაბურ პროექტების ახორციელებს. დღეისათვის,შიდა ქართლში გაიწმინდა და მოწესრიგდა მაგისტრალური და გამანაწიებელი არხები საერთო სიგრძით - 807.21 კმ. რეაბილიტაცია უტარდება სიონის მაგისტრალურ არხს , სასირეთის, ჩოჩეთის , ჭალის არხებს, შუა უბნის და კოდის სარწყავი სისტემებს, ტირიფონის მაგისტრალურ არხს. სოფ. დვანის სავარგულების მოსარწყავად მიმდინარეობს სალთვისის სარწყავი სისტემის გამანაწილებლების სკრა-ქარელის მაგისტრალურ არხზე მოწყობილი ხვედურეთის სატუმბი სადგურის აღდგენა-რეაბილიტაცია, სოფელი ზემო ხვედურეთის და სტიქიის შედეგად, სოფელ ჭანდარში გადმოსახლებული მოსახლების სავარგულების წყალუზრუნველსაყოფად, კასპის მუნიციპალიტეტის ტერიტორიაზე სრულდება თეზი-ოკამის სარწყავი სისტემის მაგისტრალურ არხზე ფილტრაციის საწინააღმდეგო ღონისძიებები. რეაბილიტაცია უტარდება კავთისხევის I და II აწევის სატუმბო სადგურის შენობების ელექტრო-მექანიკური მოწყობილობების სადაწნევო მილსადენს.
