სამუშაო შეხვედრა თეთრიწყაროს მუნიციპალიტეტში
საქართველოს სოფლის მეურნეობის სამინისტრო და საქართველოს გაერთიანებულო სამელიორაცია სისტემების კომპანია ქვემო ქართლში, ტბისი-კუმისის სარწყავი სისტემის რეაბილიტაციას გეგმავს.
პროექტით დაგეგმილია, აღნიშნული სისტემის, ალგეთის წყალსაცავის კაშხლის და ჰიდროტექნიკური ნაგებობების ინსტრუმენტალური მონიტორინგის სისტემის აღდგენა, მაგისტრალური არხის ხაიშის და მარაბდის მასივებზე წყალმიმყვანი მილსადენების რეაბილიტაცია. პროექტის განხორციელებასთან დაკავშრებით, თეთრიწყაროს მუნიციპალიტეტში სამუშაო შეხვედრა გაიმართა. შეხვედრაზე ისაუბრეს რეგიონში სარწყავ სისტემებზე არსებულ პრობლემებზე, მისი მოგვარების გზებზე და განიხილეს გარემოზე ზემოქმედების მართვის გეგმა. კომპანიის წარმომადგენელმა დამსწრე საზოგადოებას დეტალურად მიაწოდა ინფორმაცია აღნიშნულ პროექტზე, მის მნიშვნელობასა და პროექტის განხორციელებით მიღებულ დადებით შედეგებზე.
შეხვედრას ესწრებოდნენ საქართველოს გაერთიანებული სამელიორაციო სისტემების, სოფლის მეურნეობის სამინისტროს, ადგილობრივი თვითმმართველობის წარმომადგენლები, ფერმერები და ადგილობრივი მოსახლეობა.
ტბისი-კუმისის სარწყავი სისტემის რეაბილიტაცია მსოფლიო ბანკის „ირიგაციის და მიწის ბაზრის განვითარების“ პროექტის ფარგლებში განხორციელდება.
