ახალი სადახლოს სარწყავი სისტემის მაგისტრალურ არხზე დაზიანებული დიუკერი აღდგენილია
ახალი სადახლოს სარწყავი სისტემის მაგისტრალურ არხზე, ავარიულად დაზიანდა, გაიბზარა დიუკერი, რის გამოც აუცილებელი გახდა წყლის გადაკეტვა. ჩატარებული სამუშაოების შედეგად დაზიანება აღმოფხვრილია და სისტემაში წყალი გაშვებულია სატესტო რეჟიმში. ამ ეტაპზე მიმდინარეობს წყლის მცირე მოცულობის გატარება და დაკვირვება. წყალი მიეწოდება შემდეგ სოფლებს: ბეითარაფჩო, კასუმლო, ულაშლო, კუშჩუ. წყალი უკვე გაშვებულია მთის არხში და რამდენიმე საათში სარწყავი წყლის მიწოდება აღუდგება სოფელ აღმამედლოს.
