პროექტირების სამსახურის უფროსი
შპს „საქართველოს მელიორაცია“ აცხადებს ვაკანსიას პროექტირების სამსახურის უფროსის თანამდებობაზე
უშუალო დაქვემდებარება: სამელიორაციო პროექტების დაგეგმვის და მართვის დეპარტამენტის უფროსი.
ძირითადი ფუნქცია-მოვალეობები:
· სამელიორაციო ინფრასტრუქტურის მშენებლობა/რეაბილიტაცია/მოდერნიზაციის საპროექტო-საკონსულტაციო მომსახურების (დეტალური პროექტები, სატენდერო დოკუმენტაციები, ტექნიკურ-ეკონომიკური დასაბუთებები) დაგეგმვაში და ტექნიკური დავალებების მომზადებაში მონაწილეობა;
· სამელიორაციო ინფრასტრუქტურის (სარწყავი და დამშრობი სისტემები, ჰიდროტექნიკური ნაგებობები) მშენებლობისა და რეაბილიტაცია-მოდერნიზაციის დეტალური საინჟინრო პროექტების და სატენდერო დოკუმენტაციის მომზადების მართვა, დამტკიცებული გეგმების და ტექნიკური დავალებების შესაბამისად;
· კონტრაქტორი საპროექტო ორგანიზაციების საქმიანობის კოორდინაცია, ტექნიკურ-ეკონომიკური დასაბუთებების, დეტალური საინჟინრო პროექტების, გარემოზე ზემოქმედების შეფასების, გასხვისების, განსახლების, სოციალური დაცვის, კულტურული მემკვიდრეობის და პროექტის შემადგენელი სხვა დოკუმენტაციების მომზადების პროცესების ზედამხედველობა;
· კონტრაქტორი საპროექტო ორგანიზაციების მიერ წარმოდგენილი პროექტების განხილვა, შეფასება, მათი ტექნიკურ დავალებებთან და შერჩეულ ოპტიმალურ ვარიანტთან შესაბამისობაზე მომზადებული დასკვნების ანალიზი. სადაო ტექნიკურ საკითხებზე გადაწყვეტილებების მიღება. პროექტების განხილვა-შეფასება-შეთანხმების ორგანიზება და მიღება-ჩაბარების უზრუნველყოფა;
· სამშენებლო და სარეაბილიტაციო სამელიორაციო ინფრასტრუქტურის ობიექტის პროექტის შესაბამისობის შეფასება. მათ შორის: საინჟინრო-გეოლოგიური კვლევა/დასკვნა, ჰიდროლოგიური მონაცემების ანალიზი, ჰიდრავლიკური გაანგარიშება, არქიტექტურული ნაწილი, კონსტრუქციული ნაწილი, საინჟინრო ქსელები;
· საპროექტო დოკუმენტაციის სხვადასხვა უწყებასთან შეთანხმება. ექსპერტიზის, ტექნიკური პირობების და სამშენებლო ნებართვების მიღებასთან დაკავშირებული სტანდარტული პროცედურების დაცვა და მათი მოპოვების პროცესის კოორდინაცია;
· ობიექტზე შესრულებული სამუშაოების შესაბამისობის შეფასება საპროექტო-სახარჯთაღრიცხვო დოკუმენტაციასთან მიმართებაში, საშემსრულებლო ნახაზების და ტექნიკური დოკუმენტაციის შემოწმება ზედამხედველობის და მონიტორინგის სამსახურთან ერთად (საჭიროების შემთხვევაში);
· მშენებლობის და რეაბილიტაცია-მოდერნიზაციის სამუშაოების მიმდინარეობაზე, საავტორო ზედამხედველობის განხორციელება;
· დამთავრებული ობიექტების საექსპლუატაციოდ მიმღები კომისიების მუშაობაში მონაწილეობა;
· კომპეტენციის ფარგლებში, კომპანიის სტრუქტურული ქვედანაყოფების, სხვადასხვა სახელმწიფო უწყების, იურიდიული და ფიზიკური პირების წერილების/განცხადებების განხილვა და მათზე შესაბამისი რეაგირება. დავალებების შესრულების ვადებისა და ხარისხის დაცვის მართვა და კონტროლი;
· პროექტირების სამსახურის თანამშრომელთა საქმიანობის დაგეგმვა და ხელმძღვანელობა.
საკვალიფიკაციო მოთხოვნები:
· უმაღლესი განათლება საინჟინრო განხრით; ინჟინერ-ჰიდროტექნიკოსის, ინჟინერ-მშენებლის კვალიფიკაცია (სასურველია მაგისტრის ხარისხი); არქიტექტორის კვალიფიკაცია სამშენებლო სფეროში არანაკლებ 3 წლიანი პრაქტიკული გამოცდილებით;
· მენეჯერულ პოზიციაზე მუშაობის მინ. 1 წლიანი გამოცდილება;
· მინიმუმ 3 წლიანი გამოცდილება საინჟინრო შენობა-ნაგებობებისა და ინფრასტრუქტურული პროექტების მართვაში, სამშენებლო პროექტების დაგეგმვის, მომზადების, განხორციელების და ზედამხედველობის საქმეში;
· გამოცდილება სამშენებლო-საპროექტო, გარემოსდაცვითი, სოციალური და პროექტების სხვა შემადგენელი ნაწილების ნორმებისა და წესების გამოყენებაში;
· კომპიუტერული საოფისე პროგრამების მომხმარებლის დონეზე ცოდნა.
სხვა მოთხოვნები:
· პროექტის მაღალ დონეზე მართვის უნარი;
· სასურველია ერკვეოდეს შემდეგ საკითხებში: სასოფლო-სამეურნეო კულტურების მორწყვის რეჟიმები, ევაპოტრანსპირაცია, წყალმოთხოვნილება და წყალუზრუნველყოფა, წყალგანაწილების და წყალსარგებლობის გეგმები, ჰიდრომოდული, მარგი ქმედების კოეფიციენტი, წყლის გამოყენების კოეფიციენტი, ჰიდრომეტრია, რწყვის ორგანიზაცია (ზედაპირული, წვეთური და დაწვიმებითი მორწყვის სისტემები), მართვის უნარი;
· საქართველოს ფარგლებში მივლინებით გამგზავრების შესაძლებლობა;
· ინტენსიური დატვირთვის პირობებში მუშაობის უნარი.
სამუშაო პირობები:
· სრული განაკვეთი; ორშაბათი-პარასკევი: 09:00-18:00;
· გამოსაცდელი ვადა: 3 თვე;
· ანაზღაურება: კვალიფიკაციის შესაბამისად.
დაინტერესებულმა პირებმა გთხოვთ, გამოაგზავნოთ რეზიუმე (CV) ქართულ ენაზე ფოტოსურათით (3X4) შემდეგ ელ-ფოსტის მისამართზე: hr@ag.ge არაუგვიანეს 15.11.2019.
წერილის სათაურის ველში გთხოვთ, მიუთითოთ პოზიციის დასახელება - „პროექტირების სამსახურის უფროსი".
