ქობულეთის დამშრობი სისტემების რეაბილიტაცია
შპს „საქართველოს მელიორაცია“ ახორციელებს ქობულეთის დამშრობი სისტემების რეაბილიტაციას. სამუშაოები მიმდინარე წლის მარტში დაიწყო და 2016 წლის მაისში დასრულდება. გაიწმინდება 25 კმ. დამშრობი არხი, გარემონტდება სისტემის ჰიდროტექნიკური ნაგებობები. მოხდება სატუმბი სადგურის რეკონსტრუქცია. მიმდინარე სარეაბილიტაციო ღონისძიებების შედეგად, ქობულეთის მუნიციპალიტეტის 9 სოფლის 460 ჰექტარი სასოფლო-სამეურნეო მიწის ფართობი იქნება დამშრალი. აღნიშნული ფართობით ისარგებლებს 8 000-მდე მოსახლე. პროექტის ღირებულებაა 2 150 400 ლარი.
