ხანჩალის ტბის დამბის რეაბილიტაცია მიმდინარეობს

გარემოს დაცვისა და სოფლის მეურნეობის სამინისტროს შპს „საქართველოს მელიორაცია“ სამცხე-ჯავახეთში ხანჩალის ტბის დამბის დაზიანებული მონაკვეთების რეაბილიტაციას ახორციელებს.

პროექტით გათვალისწინებულია დამბის კვეთის აღდგენა და ფერდების რკინაბეტონის ფილებით მოპირკეთება.

ჩატარებული სამუშაოები ტბის მდგრადობას და მიმდებარე ტერიტორიის შესაძლო დატბორვისგან დაცვას უზრუნველყოფს.

პროექტის სავარაუდო ღირებულებაა 284 000 ლარი. საქართველოს მელიორაციამ სამუშაოები საკუთარი ძალებით ოქტომბერში დაიწყო და დასრულების ეტაპზეა.

ნინოწმინდის მუნიციპალიტეტში მიმდინარე სამუშაოებს შპს „საქართველოს მელიორციის“ გენერალური დირექტორი დავით წითლიძე კომპანიის სხვა წარმომადგენლებთან ერთად ადგილზე გაეცნო.

 ვიდეოს სანახავად გადადით ბმულზე  

subscribe news