რეგიონის დირექტორმა სამცხე-ჯავახეთში შეხვედრა გამართა
რეგიონის დირექტორმა მხარეში დაგეგმილი სარეაბილიტაციო პროექტებისა და საექსპლუატაციო ღონისძიებების შესახებ პრეზენტაცია წარმოადგინა.
შეხვედრას ესწრებოდნენ რეგიონული პროექტების კოორდინირების სამსახურის უფროსი, ადიგენის, ახალციხის, ასპინძის, ნინოწმინდის, ახალქალაქის გემგებლები, სოფლის მეურნეობის საინფორმაციო-საკონსულტაციო სამსახურის უფროსი. მათ სამელიორაციო სისტემების მიმართულებით ადგილზე არსებულ ვითარებაზე ისაუბრეს და „საქართველოს მელიორაციის“ წარმომადგენლებთან სამომავლო თანამშრომლობის დეტალებზე შეთანხმდნენ. ადგილობრივი ხელისუფლების წარმომადგენლებმა დაგეგმილ პროექტებთან დაკავშირებით მოსაზრება გაუზიარეს შეხვედრის მონაწილეებს და გამოთქვეს მზადყოფნა თავიანთი კომპეტენციის ფარგლებში მაქსიმალურად შეუწყონ ხელი სამუშაოების წარმატებით განხორციელებას.
