საქართველოს მელიორაცია საინფორმაციო კამპანიას აგრძელებს
დღეს, შეხვედრა გარდაბნის მუნიციპალიტეტში გაიმართა. შპს „საქართველოს მელიორაციის“ წარმომადგენლებმა შეხვედრაზე პრეზენტაცია წარადგინეს, ირიგაციის თანამედროვე მეთოდების უპირატესობების შესახებ. ეს მეთოდი მორწყვის ტრადიციულ, მიგდებით მორწყვის წესზე ბევრად მომგებიანია, ვინაიდან ელექტროენერგიის, წყლის და სასუქის ორჯერ ნაკლებ რესურსს საჭიროებს და მნიშვნელოვნად ზრდის მოსავლიანობას. საქართველოს სოფლის მეურნეობის სამინისტროს პროექტების მართვის სააგენტოს წარმომადგენლებმა წყალმომხმარებლებს გააცნეს ინფორმაცია სოფლის მეურნეობის განვითარების ხელშემწყობი პროექტების შესახებ.
შეხვედრას, რომელიც პრეზენტაციის დასრულების შემდეგ კითხვა-პასუხის რეჟიმში წარიმართა, ესწრებოდნენ სოფლის მეურნეობის მინისტრის მოადგილე გოჩა ცოფურაშვილი, ქვემო ქართლის სახელმწიფო რწმუნებული-გუბერნატორი პაატა ხიზანაშვილი, შპს „საქართველოს მელიორაციის“ გენერალური დირექტორი ლევან დვალი.
ირიგაციის თანამედროვე მეთოდების გავრცელების ხელშეწყობის საინფორმაციო კამპანიის ფარგლებში შეხვედრები წყალმომხმარებლებთან მთელი ქვეყნის მასშტაბით ჩატარდება.
