სასოფლო-სამეურნეო გამოფენა 2014

სასოფლო-სამეურნეო გამოფენა 2014

19-21 ნოემბერს, საგამოფენო ცენტრ ,,ექსპო ჯორჯიაში“  კავკასიაში ყველაზე მასშტაბური სოფლის მეურნეობისა და კვების მრეწველობის რიგით მე-14 გამოფენა გაიმართა.

გამოფენის მონაწილეთა შორის წელს პირველად სოფლის მეურნეობის სამინისტროს სისტემაში შემავალი ყველა უწყება, მათ შორის,    „საქართველოს გაერთიანებული სამელიორაციო სისტემების კომპანიაც“ მონაწილეობდა, რამაც დაინტერესებულ პირებს საშუალება მისცა გაცნობოდნენ კომპანიის აქტივობებს და მომავალ პროექტებს.

კომპანიის დირექტორმა, ლევან დვალმა რამდენიმე საქმიანი შეხვედრა გამართა უცხოელ პოტენციურ ინვესტორებთან და პარტნიორებთან.

„ასეთი გამოფენები საქართველოს გაერთიანებული სამელიორაციო სისტემების კომპანიისთვის დამატებით შესაძლებლობების პერსპექტივებს ქმნის და გვაძლევს საშუალებას მოვძებნოთ ახალი პარტნიორები, განვახორციელოთ ახალი საინტერესო პროექტები. მნიშვნელოვანია, რომ რეგიონში ყველაზე მსხვილი  და მასშტაბური სასოფლო-სამეურნეო გამოფენა სწორედ საქართველოში იმართება. ეს კარგი სტიმულია ჩვენი აგრარული სექტორის განვითარებისთვის“, - ასე შეაფასა ლევან დვალმა გამოფენაში   სამელიორაციო სისტემების კომპანიის მონაწილეობის შედეგები.   

გამოფენაზე საკუთარი პროდუქცია და სერვისი სხვადასხვა ქვეყნის (საქართველო, გერმანია, ლიტვა, ლატვია, უკრაინა, რუსეთი, თურქეთი, პოლონეთი, ბულგარეთი, ისრაელი, ჩინეთი) 90 კომპანიამ წარმოადგინა.

 
subscribe news