კასპის მუნიციპალიტეტში თეზი-ოკამის სარწყავი სისტემის სარეაბილიტაციო სამუშაოები მიმდინარეობს
სოფლის მეურნეობის სამინისტრო და საქართველოს გაერთიანებული სამელიორაციო სისტემების კომპანია სარწყავი სისტემების რეაბილიტაციას აგრძელებს.
შიდა ქართლის რეგიონში, კასპის მუნიციპალიტეტში მიმდინარეობს თეზი-ოკამის სარწყავი სისტემის მაგისტრალური არხის ფილტრაციის მონაკვეთის სარეაბილიტაციო სამუშაოები. არხი მოპირკეთდება მონოლითური ბეტონით.
ჩატარებული სარეაბილიტაციო სამუშაოების შედეგად შიდა ქართლის რეგიონის ოთხ სოფელში - ოკამი, იგოეთი, სამთავისი, აღაიანი - დაახლოებით 2000 ჰექტარი მიწის ფართობზე გაუმჯობესდება წყლის მიწოდება.
საქართველოს გაერთიანებული სამელიორაციო სისტემების კომპანია შიდა ქართლში 6 სხვადასხვა ობიექტზე ახორციელებს სარეაბილიტაციო სამუშაოებს. რეაბილიტაცია უტარდება ტირიფონის, ჭალის არხის, სასირეთის არხის, ჩოჩეთის არხის და თეზი-ოკამის სარწყავ სისტემებს.
