შპს „საქართველოს მელიორაციის“ წარმომადგენლები გარდაბნის მუნიციპალიტეტში, სოფელ ლემშვენიერას ადგილობრივ მოსახლეობასა და ფერმერებს შეხვდნენ.  შეხვედრაზე საუბარი შეეხო ტარიფის, მორწყვის რეჟიმებისა და მომსახურების პირობების საკითხებს.

აღინიშნა, რომ სახელმწიფოს მხრიდან ტარიფის სუბსიდირება ფერმერთა მხარდაჭერის მიზნით ხორციელდება. როგორც ერთწლოვანი, ისე მრავალწლოვანი კულტურების მწარმოებლები, იხდიან მხოლოდ პირველი მორწყვის ოპერაციის საფასურს, ხოლო დანარჩენი 3 მორწყვის ოპერაციის თანხას სახელმწიფო აფინანსებს. 1 მორწყვის ოპერაცია 15-დღიან პერიოდს მოიცავს. შესაბამისად, ფერმერებს შეუძლიათ 60 დღის განმავლობაში სარწყავი წყლით შეუზღუდავად ისარგებლონ.

შეხვედრის მონაწილეებს დამატებით მიეწოდათ ინფორმაცია ხელშეკრულებების დროულად გაფორმების მნიშვნელობის შესახებ. აღსანიშნავია, რომ ფერმერები სარწყავი წყლის მოხმარების საფასურს მიღებული მომსახურების შემდეგ გადაიხდიან და არა ხელშეკრულების გაფორმებისთანავე.

მსგავსიტიპისშეხვედრები, მოსახლეობასთანპირდაპირიკომუნიკაციისმიზნით, ქვეყნისსხვადასხვამუნიციპალიტეტშიეტაპობრივადიმართება.