„საქართველოს მელიორაცია“ გარდაბნის მუნიციპალიტეტში სარწყავ სისტემას აწესრიგებს
შპს „საქართველოს მელიორაცია“ საირიგაციო ინფრასტრუქტურის რეაბილიტაციისა და მოდერნიზაციის სამუშაოების ფარგლებში, სოფელ კუმისში სარწყავ სისტემას აწესრიგებს.
სოფელ კუმისის გამანაწილებელ არხზე სრულად შეიცვალა ამორტიზებული ინფრასტრუქტურა, ძველი და დაზიანებული ფოლადის მილსადენი ახლით ჩანაცვლდა.მილსადენის განახლება მკვეთრად შეამცირებს წყლის დანაკარგს, უზრუნველყოფს სისტემის შეუფერხებელ მუშაობას და 150 ჰექტარ სასოფლო-სამეურნეო მიწის ფართობზე მნიშვნელოვნად გააუმჯობესებს წყალუზრუნველყოფას. სარწყავი სისტემის მოწესრიგება ადგილობრივ ფერმერებს საშუალებას მისცემს, თავიდან აიცილონ გვალვისგან გამოწვეული ზარალი და გაზარდონ მოსავლიანობა.
„საქართველოს მელიორაცია“ მსგავსი ტიპის სარეაბილიტაციო სამუშაოებს ქვეყნის სხვა რეგიონებშიც ახორციელებს, რათა მაქსიმალურად იყოს ათვისებული სასოფლო-სამეურნეო მიწების პოტენციალი.