საქართველოს მთავრობის თანადაფინანსებითა და მსოფლიო ბანკის ფინანსური მხარდაჭერით, ბოლნისის მუნიციპალიტეტში დაგეგმილია ზედა არხის სარწყავი სისტემის რეაბილიტაცია/მოდერნიზაცია, რომლის მიზანიც სარწყავი და სადრენაჟე სისტემების გაუმჯობესებაა.

დაგეგმილი პროექტის განხილვის მიზნით, ბოლნისის მუნიციპალიტეტში ადგილობრივი თვითმმართველობის წარმომადგენლებთან და შპს „საქართველოს მელიორაციის“ სერვისცენტრის თანამშრომლებთან სამუშაო შეხვედრა გაიმართა. შეხვედრას ასევე ესწრებოდნენ მსოფლიო ბანკის  საინჟინრო, გარემოსდაცვითი და სოციალური მიმართულებების წარმომადგენლები.

განხილული იყო ზედა არხის სარწყავი სისტემის რეაბილიტაციის საინჟინრო დიზაინი, პროექტის სოციალური და ეკოლოგიური ასპექტები, ასევე, პროექტის სარგებელთან და სამშენებლო სამუშაოების განხორციელებასთან დაკავშირებული საკითხები.

პროექტის განხორციელების შედეგად, მნიშვნელოვნად გაუმჯობესდება სარწყავი წყლის მიწოდებისა და საირიგაციო მომსახურების ხარისხი, რაც სასოფლო-სამეურნეო მიწების საიმედო და სტაბილურ წყალუზრუნველყოფას შეუწყობს ხელს.