საქართველოს მელიორაციის სამცხე-ჯავახეთის რეგიონული სამსახურის წარმომადგენლებმა ახალქალაქის მუნიციპალიტეტის სოფელ ჩანდურაში წყალმომხმარებლებთან შეხვედრა გამართეს.

შეხვედრის ფარგლებში, მოსახლეობას ინფორმაცია მიეწოდა საირიგაციო მომსახურების ტარიფების, წყლის მიწოდების პირობებისა და სახელმწიფო სუბსიდირების მექანიზმების შესახებ.

შეხვედრაზე ფერმერებს შესაძლებლობა ჰქონდათ, მიეღოთ ამომწურავი ინფორმაცია საირიგაციო სისტემების ფუნქციონირების, მომსახურების პირობებისა და მიმდინარე პროექტების შესახებ. განსაკუთრებული ყურადღება დაეთმო გამართული სარწყავი ინფრასტრუქტურის მნიშვნელობას, რომელიც სასოფლო-სამეურნეო საქმიანობის ეფექტიანობისა და მოსავლიანობის ზრდის ერთ-ერთი მნიშვნელოვანი წინაპირობაა.საინფორმაციო შეხვედრები ქვეყნის მასშტაბით აქტიურად გრძელდება. ფერმერებთან უშუალო კომუნიკაცია ხელს უწყობს წყალმომხმარებელთა ინფორმირებულობის ამაღლებასა და სამელიორაციო მომსახურების ხარისხის გაუმჯობესებას.